آراء حرة

الإعلامي خالد سالم يكتب: أنا طفل مخطوف

انا طفل مخطوف

جعان و حاموت من الخوف
اذوق من العذاب الصنوف

بردان في الشتا
وفي الصيف مكروف

عمري سنتين
محمول على كتف الظروف

الشحاتة بقت امي
وبتمد للخلق الكفوف

باكل من الزبالة
وحياتي زي الخروف

امي فين وابويا
فين الصالون والضيوف

ضعت في الزحام
وفي الاشارة نقف صفوف

عيون الناس عليه
وصرختي مكتومة شوف

والسؤال ابن مين
ضاع اسمي في الحروف

مين يرجعني بيتي
يعزف همي بالدفوف

باهمال امي وابويا
ولا عيونكم بطلت تشوف

يا كل اب وام
احمى ولادكم من الخوف